|
O Concello de Carral, por medio da súa Concellaría de Educación e
Comercio a cargo de a edil Florinda Duarte, celebrou a quinta edición
da festa "DIVÍRTETE EN FAMILIA" á que asistiron preto de 500 veciños.
O encontro, que serve ademais de clausura dos campamentos de verán
do concello, contou con todo tipo de xogos, hinchables, talleres,
tirolina, tiro con arco, xogos acuáticos con illas e tobogáns e demais,
que durante toda a xornada lograron entreter os preto de 300 nenos e
nenas que participaron nas actividades.
A mediodía serviuse unha gran barbacoa para todos e pola tarde a
festa continuou tanto nas piscinas municipais coma nas pistas
deportivas onde se colocaron varios castelos hinchables.
A festa, un verán máis, resultou un éxito e dende o concello
mostraron a súa satisfacción pola participación dos veciños. "É a
quinta edición desta festa e converteuse nun dos clásicos do verán en
Carral que esperamos que siga tendo a mesma aceptación por parte da
xente", sinalou a concelleira Florinda Duarte. Fonte web municipal
Votar favorito (52) | Visto: 740
Powered by AkoComment Tweaked Special Edition v.1.4.6 |