14292 hits

Continua aberto o prazo para participar na segunda edición do Certame de Música para Grupos Noveis SONRÍA, que se celebrará os días 6 e 7 de xullo na explanada de A Fábrica (Oleiros). Esta iniciativa, organizada polo Centro de Información Xuvenil (CIX) de Oleiros, está dirixida a mozos con idades comprendidas entre os 15 e os 25 anos, pertencentes ós municipios da área metropolitana de A Coruña (Oleiros, A Coruña, Cambre, Culleredo, Sada, Carral, Betanzos, Abegondo, Arteixo e Bergondo).

Os grupos que desexen participar no concurso deberán enviar unha maqueta, en formato cd ou cinta de casete, antes do 22 de xuño, ó CIX situado nas dependencias de A Fábrica en Perillo. Os traballos, que terán que ser remitidos por correo certificado, deberán incluír tres temas, dos que alomenos un deberá ser en galego.
Coa finalidade de promocionar e dar a coñecer a música elaborada polos grupos noveis da zona, o Concello de Oleiros editará un cd recopilatorio no que se incluirá dous temas de cada finalista. Pola súa banda, o gañador gravará un vídeo clip promocional, ao igual que sucedeu na primeira edición e que foi presentado en público o pasado mes de marzo nun concerto en directo no auditorio de Mera.

Durante a celebración de SONRÍA os grupos participantes estarán acompañados por Jacobo Paz e Jabón Blue (grupo de Javi Maneiro ex -Herdeiros da Crus), que actuarán para o público oleirense o derradeiro día do festival